Sunday, August 5, 2012


काठमाडौं, साउन २० (नागरिक)- तीन खेलका लागि ५ खेलाडी लिएर ओलम्पिक सहभागिता जनाउन लन्डन पुगेका नेपाली टोली पदकविहीन भएर घर फर्किने भएका छन्। ओलम्पिक यात्राको सुरुवात गरेकी सुटिङकी एक्लो नेपाली खेलाडी स्नेह राज्यलक्ष्मी राणाले गत शनिबार १० मिटर एयर राइफलमा प्रतिस्पर्धा गरिन्। ५६ खेलाडी सहभागी प्रतिस्पर्धाको ५४औं स्थानमा आउँदा उनी राष्ट्रिय कीर्तिमान सुधार गर्नसमेत असफल भइन्। ३ सय ८८ स्कोरको राष्ट्रिय कीर्तिमानभन्दा उनले ५ स्कोर कम गरेकी थिइन्। 
***************************
**************************
'राम्ररी जानु, पुगेपछि फोन गर्नु,' आफन्त/परिवारजनका कुनै सदस्य यात्रामा निस्किँदा विदाइ गर्ने अभिभावकको मुखबाट अधिक सुनिने वाक्य हो यो । गन्तव्यमा नपुग्नुजेल परिवारजनले मानिरहने चिन्ताले नेपालमा सार्वजनिक सवारी साधनको यात्रा कति असुरक्षित छ, संकेत गर्छ । चालक, गाडी/सडकको अवस्था वा बाह्य तत्वमा अडिएको हुन्छ, सुरक्षित यात्रा । त्यसैले होला, सुरू गन्तव्यबाट थालिएको यात्रा घन्टौं वा दिन बिराएपछि अन्तिम गन्तव्यमा पुग्दा यात्रुले सन्तुष्टिको लामो सास फेर्दै फोन गर्न आग्रह गर्ने आफन्तलाई बसको सिटबाटै फोन गरी भन्छन्, 'राम्ररी आइपुगें, चिन्ता नलिनु ।'
मृत्यु सत्य हो । तर प्राकृतिक मृत्युलाई उछिन्दै सवारी दुर्घटनाबाट भैरहेका मृत्युका खबर हृद्धयविदारक हुन्छन् । पछिल्ला दिन हामी सुन्न विवश छौ, जन्तीवाहक बस दुर्घटनामा, मलामी बोकेको गाडी भीरमा खस्यो, तीर्थयात्री सवार बस नहरमा डुब्यो, वनभोज गएका विद्यार्थी चढेको स्कुलबसलाई विपरीत दिशाबाट आउँदै गरेको अर्को बसले ठक्कर दियो, चाड मनाउन हिंडेकाहरू दुर्घटनामा आदि । यस्तो दुःखद समाचारका विषय बन्नुपर्ने दुर्भाग्यमा सवारी साधनभित्र चढेका यात्रुमात्रै पर्दैनन् । कतै बटुवा, कही सडक किनारमा इलम गरिरहेका, कतै ओच्छ्यानमै सुतेका परिवार, कतै बस चढाउन सडक किनारमा उभिएका आफन्तजन, कतै मर्निङवाकमा निस्किएका डाइबिटिजका बिरामी । त्यसैले पूर्वाधारको सूचीमा राखिने सडक त्यतिकै जोखिम भएको स्थान हो । यसै कुरालाई आधार मानेर विज्ञहरूले भन्ने गर्छन्, 'सडकमा हिंड्ने/गुड्नेले ममात्रै ठीक छु, अरू सबै पागल हुन् ठान्नुपर्छ रे ।     
चालु आर्थिक वर्षको साउन नसकिंदै १९ दिनमा देशभर ५९ जनाले सडक दुर्घटनामा ज्यान गुमाइसके । तीनवटा ठूलासहित १५ दुर्घटनामा सयौं घाइते भएका छन् । विश्व स्वास्थ्य संगठनको आँकडाअनुसार, विश्वभर वाषिर्क १३ लाख मानिसले सडक दुर्घटनामा ज्यान गुमाउँछन् । २ देखि ५ करोड हाराहारी मानिस गम्भीर घाइतेसहित अपांग हुन्छन् । २०५१ सालताका सडक विभागले जारी गरेको २० वर्षे सडक योजनाले ०५१/०५२ सम्म नेपालमा वाषिर्क सडक दुर्घटना दर ५ प्रतिशत बढी रहेको भनेको थियो । त्यसै बेलादेखि सवारी साधनको वृद्धिदर अनुपातमा सडक नबढिरहेको बताएको थियो । २०४३ देखि २०५४

Sunday, July 29, 2012


‘बाँसुल्ली’ भेनिस फिल्म फेस्टिभलमा
साउन १२ गते, शुक्रवार, मेरो सिनेमा ,

विश्वको सबैभन्दा पुरानो फिल्म फेस्टिभलमा पहिलो पटक नेपाली सिनेमा छानिएको छ । मिन बहादुर हामले निर्देशन गरेको ‘बाँसुल्ली’ ले यो अवसर पाएको हो । आगामी भदौ १३ गतेदेखि २३ गतेसम्म इटालीमा हुने ६९ औं भेनिस फिल्म फेस्टिभलमा यो सिनेमा सहभागी हुनेछ ।
 
bamnischal_400
 
‘बाँसुल्ली’ सिनेमा सर्ट मूभि समूहका लागि छानिएको हो । १५ मिनेट लामो यो सर्ट मूभिमा कर्णालीमा रहेको केटीमान्छेले बाँसुरी बजाएमा दारी जुँगा आएर विहे हुँदैन भन्ने मान्यताको सेरोफेरोमा सिनेमाको कथा बुनिएको छ ।


सिनेमा लुटका निर्देशक निश्चल बस्नेत र देवकी राईको संयुक्त निर्माण रहेको यस सिनेमाको कथा, पटकथा तथा संवाद पनि निर्देशक हामको हो । नरेन्द्र मैनालीले छायाँकन गरेको यस सिनेमामा निकिता बुढा थापा, घनश्याम गिरी, नरेश भण्डारीको अभिनय रहेको छ । ‘बाँसुल्ली’ को अर्थ बाँसुरी हो ।  


७ सय ५० जना प्रहरीका दुई दुई श्रीमती !

दोस्रो विवाह गर्ने शान्ति मिसनमा जान नपाउने

४ साउन, काठमाण्डौं । नेपाल प्रहरीमा कार्यरत दुई डिएसपी सहित सातसय ५० जनाले बुहबिवाह गरेको उजुरी परेको छ । सोही उजुरीका आधारमा उनीहरुको आधा तलब जेठी श्रीमतीलाई प्रदान गर्न थालेको प्रहरी प्रधान कार्यालयले जनाएको छ ।

श्रीमतीहरुको उजुरीको आधारमा यो संख्या निर्धारण भएपनि शक्तिको आडमा बहुबिबाह गर्ने प्रहरीको संख्या बढिरहेको कार्यालयले जनाएको छ । जसलाई नियन्त्रण गर्न कारबाहीको तयारी सुरु भएको छ । बहुविवाह गर्नेलाई राष्ट्रसंघीय शान्ति मिसनमा नपठाउने, पुरस्कार नपाउने र बढुवा पनि पछि पार्ने प्रस्ताव प्रहरी प्रधान कार्यालयले अघि सारेको खबर नयाँ पत्रिका दैनिकले छापेको छ ।
स्रोतका अनुसार विभागले बहुविबाह गर्ने सातसय ५० जना प्रहरीको नामावलीसहित प्रहरीको पोलिसी कोअर्डिनेसन कमिटीको बैठकमा त्यससम्बन्धि प्रस्ताव पेस गर्ने तयारी गरेको छ । प्रस्ताव पारीत भएपछि बहुविवाह गर्ने प्रहरीलाई सुविधाबाट बञ्चित गरी कारबाही गर्न लागीएको हो ।

एक नेपालीको थाप्लोमा १९ हजार ऋण !



४ साउन, काठमाण्डौं । बढ्दो बाहृय र आन्तरीक कर्जाका कारण हरेक नेपालीको थाप्लोमा १८ हजार रुपैयाँ भन्दा बढी ऋणको भार परेको छ । गत असार सम्ममा सरकारले पाँच खर्ब ९ अर्व रुपैयाँ ऋण लिएको छ । जसमध्ये ३ खर्ब ८ अर्व रुपैयाँ विदेशी रहेको खबर कान्तिपुर दैनिकले छापेको छ । यस अनुसार बैदेशिक ऋण नै प्रतिव्यक्ति ११ हजार चारसय रुपैयाँ रहेको छ ।
आन्तरिक समेत जोड्दा प्रतिव्यक्ति ऋण १८ हजार ८ सय पुगेको अर्थसचिव कृष्णहरी बास्कोटाले जानकारी दिनुभयो । आन्तरिक ऋण करिव २ खर्ब रुपैयाँ रहेको छ ।
पछिल्लो समय बढिरहेको राजनैतिक अस्थिरताका बावजुत पनि दातृ निकायहरुले नेपाललाई दिईने सहयोग बढाईरहेका छन् । ३ बर्षयता दाताले करिब ३ खर्ब रुपैयाँ सहयोग गर्ने प्रतिबद्धता जनाएको अर्थमन्त्रालयको तथ्यांक छ ।

***************************************************
निमुन सकिएसँगै खटपट सुरु भएको नायिका मनिषा कोइरालाको दाम्पत्य जीवन औपचारिक रुपमा टुटेको खवर आएको छ ।
यसअघि सामाजिक संजाल र संचारमाध्यममा वैबाहिक सम्बन्धबारे तितो पोख्ने गरेकी मनिषाले केही साताअघि औपचारिकरुपमै पति सम्राट दाहालसँग डिभोर्स गरेको भारतीय संचारमाध्यमहरुले जनाएका छन् ।
भारतीय पत्रिका टाइम्स अफ इन्डियाले मनिषाको नजिकको साथीको हवाला दिंदै उनीहरु छुट्टीइसकेको बताएको छ । २०६७ असारमा पर्यावरण इन्जिनियर सम्राट दाहालसँग बिबाह गरेकी मनिषाले दुई बर्षमै दाम्पत्य जीवन तोडेकी छिन् ।
उनले पछिल्ला अन्र्तवार्ताहरुमा आफुलाई आमा बन्ने तिब्र इच्छा भएपनि त्यो सम्भव नदेखिएको भन्दै दुखेसो पोखेकी थिइन् । आफैं आमा बन्ने योजना कसरी सम्भव भएन त्यसमा पति सम्राटको असहयोग रह्यो वा अन्य केही कारणले दामत्य जीवन टुट्यो भन्ने बिषयमा स्पष्ट भएको छैन् ।






एक वर्षमा १५ किमी सडक कालोपत्रे, १ लाख सवारी थपिए





३० असार, काठमाडौं । सबै जिल्लामा सडक पुर्‍याउने लक्ष्य दिएको सरकारले चालु आर्थिक वर्षमा कति कालापत्रे सडक निर्माण गर्‍यो ? कम्तिमा २/४ सय कालापत्रे सडक बन्यो होला भन्ने सहजै अनुमान लगाउन सकिन्छ ।
तर, अर्थ मन्त्रालयले शनिबार सार्वजनिक गरेको आर्थिक सर्वेक्षण २०६८/६९ अनुसार चालु आर्थिक वर्षमा जम्मा १५ किलोमिटर सडक कालोपत्र भएको छ । यससँगै नेपालमा कालोपत्रे सडक ९ हजार ९ सय १७ किलोमिटर पुगेको छ । यस्तै खण्डास्मितमा ४५ र नयाँ कच्ची सडक निर्माण १ सय ८५ किलोमिटर भएको छ । यससँगै नेपालमा जम्मा २३ हजार ४ सय ५४ किलोमिटर सडक बनेको छ ।
सडक निर्माण निकै कम भएपछि सवारी साधन थपिने क्रम भने बढेको बढ्यै छ । चालु आर्थिक वर्षमा मात्र १ लाख १ हजार ७ सय ७९ सवारी थपिएका छन् । यससँगै सवारी साधनहरुको संख्या १२ लाख ८० हजार ६ सय ९० पुगेको छ ।
यसआधारमा प्रतिकिलोमिटर ५५ बटा सवारी साधन पुगेको छ । प्रतिवेदनका अनुसार नेपालमा सबैभन्दा बढी सवारीमा मोटरसलाइकल ९ लाख ७३ हजार ९ सय ३७ छन् भने सबैभन्दा कम माइक्रो २ हजार ३ सय ८४ छ । चालु आर्थिक वर्षमा रेल मार्ग थपिएन । काठमाडौं उपत्यकामा मेट्रो यातायातको सम्भाव्यता अध्यननको प्रारम्भीक प्रतिवेदन तयार भएको छ ।



+++++++++++++++++++++++++++
++++++++++++++++++++++++++

नेपाल दूरसञ्चार प्राधिकरणले हालै सार्वजनिक गरेको प्रतिवेदनअनुसार कुल जनसंख्याको ५५.४ प्रतिशतले मोबाइल प्रयोग गरेका छन् । तर एकै व्यक्तिले एकभन्दा बढी सिमकार्ड प्रयोग गर्ने प्रचलन रहेको र सिमकार्डको लगत व्यवस्थित नहुँदा कति व्यक्तिको हातमा मोबाइल छ भन्ने एकिन भने हुन नसकेको प्राधिकरणको भनाई छ । केन्द्रीय तथ्यांक विभागले एक वर्षअघि सार्वजनिक गरेको तथ्यांकअनुसार नेपालको जनसंख्या २ करोड ६६ लाख २० हजार छ । अर्थात् नेपालमा १ करोड ६६ लाख ४४ हजार लाइन टेलिफोन वितरण भएको छ । जसमध्ये ५५.४ प्रतिशत मोबाइल, ३.१९ साधारण टेलिफोन र ५.९५ लिमिटेड मोबिलिटी सेवाहरू छन् ।
प्रविधि र परदेश
प्रविधिको प्रयोग र परदेश पलायनको कुरा आपसमा त्यति सम्बन्धित त नहोला । तर टेलिफोन, मोबाइल लगायत प्रविधिको प्रयोग अनुसार गाउँठाउँमै उन्नति, प्रगति, आम्दानी र व्यवहार धान्ने नेपाली पनि बढ्नुपर्ने हो । तर बैदेशिक रोजगारीको रहर र बाध्यताले नेपालीहरु विदेश या परदेश जाने क्रम रोकिएको छ ।
मुलुकमा लगानीमैत्री वातावरण बन्न नसक्दा वैदेशिक रोजगारीमा जाने नेपाली युवायुवतीको संख्या उल्लेखनीय रूपमा बढेको यस क्षेत्रमा काम गर्ने सरोकारवालाहरुको भनाई छ । वैदेशिक रोजगार विभागको तथ्यांकअनुसार दोस्रो जनआन्दोलनपछि हालसम्म १६ लाख ३५ हजार नेपाली कामको खोजीमा बिदेसिएका छन् । पछिल्लो अवधिमा बिदेसिने कामदारको संख्या लगातार बढेको देखिन्छ । झन्डै ३५ लाख युवाले अहिले विदेशी श्रम बजारमा गएको अनुमान छ । आर्थिक वर्ष २०६२/६३ मा वैदेशिक रोजगारीमा जानेको संख्या दैनिक ४ सयको हाराहारीमा थियो भने अहिले यो संख्या उच्चदरले बढेर १ हजार नाघेको छ । विभागको तथ्यांकअनुसार चालू आवको साउनदेखि वैशाखसम्म काम खोज्दै बिदेसिने नेपालीको संख्या ३ लाख १३ हजार ९३ पुगेको छ । चालू वर्षको पहिलो १० महिनामा गत वर्षको सोही अवधिको तुलनामा ४७ हजारभन्दा बढी नेपाली युवा बिदेसिएका छन् । गत वर्षको यसै अवधिमा २ लाख ६९ हजार ३६७ विदेश गएका थिए ।
यसैबीच कामदारका समस्या सम्बोधन गरी स्वदेशमै रोजगारी दिने उद्देश्यले काठमाडौंमा शुरु भएको तीनदिने राष्ट्रिय श्रम तथा रोजगार सम्मेलन आज सम्पन्न हुँदैछ ।
*********************
 सेवा प्रभाह, आर्थिक अनुशासन र परदर्शिता लगायतका सूचकांकमा देशभरका जिल्लालाई उछिनेर यसपालि भक्तपुर उत्कृष्ट भएको छ । स्थानीय निकाय वित्तीय आयोगको सर्वेक्षण नतिजा सार्वजनिक भएपछि राजनीतिक दल, जिविसका कर्मचारी, जिल्लाबासी हर्सित छन् । उत्कृष्ट भएसँगै सरकारले दिने अनुदान बढ्नेछ । 
आयोगका उपसचिव रघुराम बिष्टले सहभागितामूलक योजना प्रक्रिया, योजना/कार्यक्रम समयमा सम्पन्न र लेखा, राजस्व, खर्च प्रणालीलाई व्यवस्थित गरेकाले उत्कृष्ट भएको बताए ।
स्थानीय विकास अधिकारी राजेन्द्रकुमार केसीले भक्तपुर जिविसले तीन वर्षदेखि लगातार प्रगति गर्दै गएको बताए । बजेट व्यवस्थापन र संगठन संरचना, सेवा प्रवाह र सम्पत्ति व्यवस्थापनमा राम्रो काम गरेको देखिएको छ । आयोगले आठ मापन क्षेत्रको ५७ वटा सूचकांक राखेको छ । जसमा १३ वटा न्यूनतम सर्त तोकिएको छ । १ सय नम्बर पूर्णाङ्कमा भक्तपुरले ८३ अंक प्राप्त गरेको हो । उक्त नतिजा आर्थिक वर्ष २०६७/०६८ को हो ।
भक्तपुर जिविसले जनसंख्या, क्षेत्रफल लगायत गरिबीको आधारमा सरकारले प्रदान गर्ने अनुदानको ३० प्रतिशत थपिने बिष्टले बताए । त्यस्तै कर्मचारीलाई प्रोत्साहनका लागि नगद पुरस्कार पनि दिने गरेको छ । उक्त पुरस्कार तत्कालीन अवस्थामा कार्यरत कर्मचारीले पाउने उनले बताए ।



लन्डन सुरक्षामा ठूलो संख्या नेपाली


सिर्जना श्रेष्ठ, लन्डन, साउन १३ -लन्डन ओलम्पिकमा ठूलो संख्यामा पूर्व गोर्खा सैनिकहरूले सुरक्षा जिम्मेवारी पाएका छन्। बेलायतस्थित गोर्खा सेक्युरिटी सर्भिस कम्पनीबाट छानिएका १ सय ५० पूर्व गोर्खा सैनिकले ओलम्पिकमा विभिन्न जिम्मेवारी सम्हालिरहेका छन्।




'ओलम्पिकको सुरक्षाका लागि भुपू गोर्खा सैनिकले उच्च तहको जिम्मेवारी पाएका छन्,' गोर्खा सेक्युरिटी सर्भिसका निर्देशक विष्णु तामाङले भने। उनका अनुसार अहिले गोर्खा सैनिकहरूले एक्सेस कन्ट्रोल, पेरिमिटर कन्ट्रोल तथा भिआइपी र खेलाडी बसेको होटलमा सुरक्षा दिइरहेका छन्। छनोटमा परेका सैनिकहरूले तत्कालका लागि वेम्बले स्टेडियम र वेम्बले अरिनाको जिम्मा पाएका छन्।

तामाङका अनुसार तीन साता लामो ओलम्पिकका लागि जिफोरएस कम्पनीका अन्य सब कन्ट्र्याक्टरका माध्यमबाट ओलम्पिकमा करिब १० हजार नेपालीले काम पाएका छन्।






































बाघ दूत भए हमाल
वन तथा भूसंरक्षण मन्त्रालयले आयोजना गरेको तेस्रो अन्तर्राष्ट्रिय बाघ दिवस कार्यक्रमलाई सम्वोधन गर्दै अभिनेता राजेश हमाल । हमाललाई सरकारले बाघ दूत घोषणा गरेको छ । तस्वीर : दिनेश 
गोले/अनलाइनखबर

दुई वर्षमा २१ बाघ बढ्यो







१४ साउन, काठमाडौं । नेपालमा पछिल्लो दुई वर्षमा बाघको सङ्ख्यामा वृद्धि भएको छ । सन् २०१० मा देशभर जम्मा १ सइ ५५ वटा बाघ गणना गरिएकोमा सन् २०१२ मा दुईवटा मात्र राष्ट्रिय निकुञ्जमा गणना गर्दा १ सइ ७६ वटा पुगेको हो ।
बर्दिया राष्ट्रिय निकुञ्ज र शुक्लाफाँटा वन्यजन्तु आरक्षमा सन् २०१२ मार्चमा गरिएको अध्ययनअनुसार बाघको सङ्ख्यामा दोब्बर वृद्धि भएको हो । तेस्रो बाघ दिवसको अवसरमा राष्ट्रिय निकुञ्ज तथा वन्यजन्तु संरक्षण विभागलेसार्वजनिक गरेको तथ्याङ्कअनुसार बर्दिया राष्ट्रिय निकुञ्जमा सन् २०१० मा बाघको सङ्ख्या १८ वटा रहेकामा सन् २०१२ मा दोब्बर बढी ३८ वटा पुगेको हो ।

विमानस्थल व्यवस्थापन भारतीय कम्पनीलाई नदिन सर्वोच्चको आदेश




कानुन विपरित व्यवस्थापन सम्वन्धी जिम्मा भारतीय कम्पनीलाई दिन लागिएको देखिएको भन्दै सर्वोच्चले आइतबार मुद्धाको अन्तिम टुङ्गो नलागेसम्म प्रक्रिया अघि नबढाउन आदेश दिएको छ । सर्वोच्चको विशेष इजलासमा न्यायाधीशहरुको राय बाझिएपछि बहुमतले प्रक्रिया रोक्न अन्तरिम आदेश दिएको हो 

Sunday, June 24, 2012




nepalma ट्राफिक नियम उल्लंघन गर्दा चालकले तिर्ने जरिवाना अब बैंकमा बुझाउनुपर्ने भएको छ । यसअघि सर्वसाधारणले ट्राफिक कार्यालयमा बुझाउने गरेका थिए ।'गभर्नरले हस्ताक्षर गरेपछि ग्लोबल बैंकमा जरिवाना बुझाउने प्रक्रिया सुरु हुन्छ,'। ट्राफिकले उपत्यकामा मात्रै मासिक १ करोडभन्दा बढी राजस्व संकलन गर्ने गरेको छ । ट्राफिकलाई जरिवाना बुझाउँदा सर्वसाधारणलाई रसिद नदिने, नक्कली रसिद छपाएर राजस्व अनियमितता गरेको आरोप लागेको थियो ।

अभिनेता हरिवंश अचार्यले दोस्रो विहे गरेका छन्। बिहीबार गोगंबु,टोखामार्गमा उनले बुटवलकी रमिला पाठकसंग विवाह गरेका हुन्।
पहिलो श्रीमती मिरा आचार्यको निधन भएको साढे १ वर्षपछि उनले विधुवा रमिलासंग वैवाहिक बन्धनमा बाँधिएका थिए। १२ वर्षदेखि विधुवा रहेकी रमिला हरिवंशभन्दा १० वर्ष कान्छी छिन्। हाल हरिवंश ५४ वर्षका छन्।बैंककमा रहेका मदनकृष्ण श्रेष्ठले स्काइपबाट दुवैलाई बधाई समेत दिए।

मलेसियामा भइरहेको एसीसी यु १९ एसिया कपमा नेपालले मलेसियालाई १०७ रनले पराजित गरेको छ। टस जितेर ब्याटिङ गरेको नेपालले निर्धारित ५० ओभरको खेलमा ८ विकेट गुमाउँदै २४८ रन बनायो। 
प्रतिउत्तरमा २४९ रनको लक्ष्य पछ्याएको मलेसियाले ४३ ओभरमा सबै विकेट गुमाउँदै १४० रनमा समेटियो। शनिबारको पहिलो खेलमा नेपाल पाकिस्तानसँग ८ विकेटले पराजित भएको थियो। नेपालले आफ्नो तेस्रो खेल मंगलबार भारतसँग खेल्नेछ।

waर्ल्ड र युरोपेली च्याम्पियन स्पेन २-० ले फ्रान्सलाई क्वारटफाइनलमा हराएर युरो कपको उपाधि रक्षा गर्ने अभियानमा शनिबार अघि बढेको छ ।जितसँगै स्पेनले सेमिफाइनलमा स्थान सुरक्षित गर्‍यो । उसले फाइनल प्रवेशको लागि क्रिस्टियानो रोनाल्डोको पोर्चुगलविरुद्ध खेल्नेछ । आजको खेल इङल्यान्डविरुद्ध इटाली
आइन्च प्रोदुक्सन को प्रस्तुती मा आज राती ९ बजे फन एसिया अर्विङ मा निकै नै सफल मानिएको र च्र्‍चा  बटुल्न सफल नेपाली चलचित्र 'चपली हाइट्" लाग्दै छ 

Sunday, May 6, 2012



सृष्टि श्रेष्ठले जितिन् मिस नेपालको उपाधि