काठमाडौं, फागुन ७ (नागरिक)- पशुपति क्षेत्र विकास कोषले यस वर्ष शिवरात्रि पर्वमा दर्शनार्थी आधा घन्टाभित्रै मन्दिरभित्र दर्शन गरेर फर्कन सक्ने व्यवस्था गरिएको जनाएको छ। सोमबार परेको शिवरात्रि पर्व तयारीबारे कोषले शनिबार पत्रकार सम्मेलन गरी आयोजना गरी आइतबार, सोम र मंगलबार तीन दिन शिवरात्रि पर्व मनाइने र त्यसको सम्पूर्ण तयारी पूरा भइसकेको जानकारी गराएको छ।
'आधा घन्टामै दर्शन गरेर फर्कन मिल्ने गरी सबै तयारी गरेका छौं,' कोषका सदस्यसचिव सुशील नाहाटाले भने 'त्यसका लागि बिहान ४ बजे देखि नै मन्दिरका चारै ढोका खुला राखिनेछन्।'
प्रचार प्रसार उपसमितिका संयोजक उमेश कुइँकेलका अनुसार छिट्टै दर्शन गराउन कोषले चार मन्दिरका चार ढोकाबाट निशुल्क र दक्षिणबाट सशुल्क दर्शन गर्न सक्ने व्यवस्था मिलाएको छ। जसअनुसार मित्रपार्क गुरुस्थान हुँदै रुद्रगाडेश्वर हुँदै बासुकी उत्तर गेट एउटा लाइन रहनेछ भने अर्काे जयबागेश्वरीबाट भुवनवेश्वरी हुँदै पश्चिम सानो गेट, गौशालाबाट वनकाली वृद्धाश्रम हुँदै आर्यघाट छिर्ने पूर्वगेट र गौशालाबाटै चौंसट्टी महादेव दक्षिणगेटबाट दर्शन गर्न सक्ने व्यवस्था मिलाइएको छ।
पत्रकार सम्मेलनमा नाहाटाले शिवरात्रि पर्वका लागि करिब ५ सय नागा बाबा र ४ हजारभन्दा बढी साधु आउने बताए। उनले पशुपतिनाथमा २० माइक्रोनभन्दा कम गुणस्तरका प्लास्टिक झोला निषेध गरिएको झन्डै १० हजार स्वयंसेवक र ६ हजार सुरक्षाकर्मी परिचालन गरिने बताए।
संस्कृतिमन्त्री गोपाल किराँतीले पशुपतिलाई विश्वका हिन्दुको आस्थाको केन्द्र बनाउन सरकार लागिपरेको बताए। उनले पशुपतिनाथको भेटी पारदर्शी गर्न सरकारले गठन गरेको कार्यदलले दिएको सुझावअनुसार कार्यान्वयन गर्ने सहमति भइसकेकाले अब छिट्टै त्यसलाई लागू गरिने बताए। 'पशुपतिनाथका भट्ट, भण्डारीलाई तलब व्यवस्था गरी भेटीघाटी पारदर्शी गर्न ऐतिहासिक निर्णय भएको छ,' मन्त्री किराँतीले भने 'छिट्टै कार्यान्वयन गर्छौं।'
यसअघि कोषले किराँतीको संयोजकत्वमा २ सय १ सदस्यीय मूल समिति गठन गरेको थियो। त्यसैगरी कोषले छिटो दर्शनका लागि अघिल्लोपटकमा झैं हजार रुपैयाँको टिकट बिक्री गर्ने भएको छ। नाहाटाका अनुसार १५ वटा बैंकमार्फत झन्डै २ हजार दर्शनार्थी टिकट बिक्रीको व्यवस्था मिलाइएको छ। यो टिकट लिनेले १० मिनेटमै मन्दिर दर्शन गर्न सक्नेछन्। यसपालि शिवरात्रिमा ८ लाख दर्शनार्थी भित्र्याउने कोषको अनुमान छ।
'आधा घन्टामै दर्शन गरेर फर्कन मिल्ने गरी सबै तयारी गरेका छौं,' कोषका सदस्यसचिव सुशील नाहाटाले भने 'त्यसका लागि बिहान ४ बजे देखि नै मन्दिरका चारै ढोका खुला राखिनेछन्।'
प्रचार प्रसार उपसमितिका संयोजक उमेश कुइँकेलका अनुसार छिट्टै दर्शन गराउन कोषले चार मन्दिरका चार ढोकाबाट निशुल्क र दक्षिणबाट सशुल्क दर्शन गर्न सक्ने व्यवस्था मिलाएको छ। जसअनुसार मित्रपार्क गुरुस्थान हुँदै रुद्रगाडेश्वर हुँदै बासुकी उत्तर गेट एउटा लाइन रहनेछ भने अर्काे जयबागेश्वरीबाट भुवनवेश्वरी हुँदै पश्चिम सानो गेट, गौशालाबाट वनकाली वृद्धाश्रम हुँदै आर्यघाट छिर्ने पूर्वगेट र गौशालाबाटै चौंसट्टी महादेव दक्षिणगेटबाट दर्शन गर्न सक्ने व्यवस्था मिलाइएको छ।
पत्रकार सम्मेलनमा नाहाटाले शिवरात्रि पर्वका लागि करिब ५ सय नागा बाबा र ४ हजारभन्दा बढी साधु आउने बताए। उनले पशुपतिनाथमा २० माइक्रोनभन्दा कम गुणस्तरका प्लास्टिक झोला निषेध गरिएको झन्डै १० हजार स्वयंसेवक र ६ हजार सुरक्षाकर्मी परिचालन गरिने बताए।
संस्कृतिमन्त्री गोपाल किराँतीले पशुपतिलाई विश्वका हिन्दुको आस्थाको केन्द्र बनाउन सरकार लागिपरेको बताए। उनले पशुपतिनाथको भेटी पारदर्शी गर्न सरकारले गठन गरेको कार्यदलले दिएको सुझावअनुसार कार्यान्वयन गर्ने सहमति भइसकेकाले अब छिट्टै त्यसलाई लागू गरिने बताए। 'पशुपतिनाथका भट्ट, भण्डारीलाई तलब व्यवस्था गरी भेटीघाटी पारदर्शी गर्न ऐतिहासिक निर्णय भएको छ,' मन्त्री किराँतीले भने 'छिट्टै कार्यान्वयन गर्छौं।'
यसअघि कोषले किराँतीको संयोजकत्वमा २ सय १ सदस्यीय मूल समिति गठन गरेको थियो। त्यसैगरी कोषले छिटो दर्शनका लागि अघिल्लोपटकमा झैं हजार रुपैयाँको टिकट बिक्री गर्ने भएको छ। नाहाटाका अनुसार १५ वटा बैंकमार्फत झन्डै २ हजार दर्शनार्थी टिकट बिक्रीको व्यवस्था मिलाइएको छ। यो टिकट लिनेले १० मिनेटमै मन्दिर दर्शन गर्न सक्नेछन्। यसपालि शिवरात्रिमा ८ लाख दर्शनार्थी भित्र्याउने कोषको अनुमान छ।
No comments:
Post a Comment