हाकु कालेलाई पक्राउ गरिने !

 

 

व्लकबस्टर ‘लुट’ हेर्नुभएको छ भने त्यसको ह्याप्पी इन्डिङबारे पक्कै थाहा छ । तर, सिनेमाभित्र नसमेटिएको एउटा दृश्यले भने दर्शकमाझ विचारणीय प्रश्न फ्याँक्नेछ । ‘लुट’का हाकु काले विहिबार प्रहरीद्धारा पक्राउ पर्दैछन् । बैंक लुट्ने गुरु योजना बुन्न यी मुख्य पात्रलाई नेपाल प्रहरीका एसपी रमेश खरेलले गिरफ्तार गर्नेछन्, त्यो पनि भद्रकालीस्थित जंगी अड्डामा ।

अपराधीलाई काननुको दायरामा ल्याउनुपर्छ भन्ने सांकेतिक सन्देश दिन हाकु काले अर्थात सौगात मल्ल कस्टडीमा पर्नेछन् । गौरवमय ५१ दिन मनाउन ‘लुट’ले आर्मी अफिर्सस क्लवमा भव्य भोज र जमघटको आयोजना गर्दैछ जहाँ प्रमुख अतिथि बन्न प्रहरी संगठनका लोकप्रिय अधिकारी रमेश खरेल बुधबार राजधानी आइपुगेका छन् । उनैले मंचमा हाकु कालेलाई पक्राउ गर्ने भएका हुन् ।

सर्वाधिक आम्दानीको कीर्तिमानसहित ‘लुट’ले शुक्रबार ५१ दिन मनाउन लागेको हो । पूर्वसन्ध्यामा कलाकारलाई सम्मान, अफिसएल मिडियालाई प्रमाणपत्र र सफलताको खुशि साटासाट गरिने भएको हो । सातौं सातामा प्रदर्शन भैरहेको सिनेमाले क्यूएफएक्स, गोपिकृष्ण, गंगा, गुण, अष्टनारायण, पोखरा र हेटौंडामा ५१ दिन सेलिव्रेसन गर्न लागेको हो । ‘लुट’ले ४२ दिनमा २ करोड ५५ अलनेपाल र ३० लाख ओभरसिज ग्रस कलेक्सन गरेको छ ।