अमेरिकी राष्ट्रपति ओबामाको हत्या योजना बनाइएको खुलासा

वासिङ्टन (अमेरिका), माघ २८ (एजेन्सी)– अमेरिकी राष्ट्रपति बाराक ओबामाको हत्या योजना बनाएको एक उजबेक नागरिकले स्वीकार गरेका छन्। २२ वर्षीय उलुजबेक कोदिरोवले अमेरिकाको दक्षिण क्षेत्रमा अवस्थित एक अदालतमा चलिरहेको मुद्दाको सुनुवाईका क्रममा उक्त स्वीकारोक्ति गरेका हुन्। 

कोदिरोवमाथि उग्रपन्थी गतिविधिमा सामेल हुनुका साथै गैरकानुनी हतियार राखेको सम्बन्धमा मुद्दा चलिरहेको छ। उनी गत जुलाईमा पक्राउ परेका थिए।