मनिषाको रामलिला !

काठमाण्डौ, २०६८ माघ ११, बुधवार केहि समय अगाडी मुम्बई पुगेकी अभिनेत्री मनिषा कोईरालाले यस्तो रामलिला देखाईन् कि सुन्दा पनि लाज लागेर आउँछ । यसअघि पनि दिल खोलेर मदिरा सेवन गर्ने मनिषाले गत साता आफ्नै पूर्व प्रेमी प्रशान्त चौधरीले खोलेको रेष्टुरेन्टको उदघाटन समारोहमा यसरी रक्सी सेवन गरिन कि गाडीमा पनि चढ्न नसकेर उनलाई कसैको साहारा लिनु परेको थियो । श्रीमान सम्राट दाहालसँग डोभोर्सको हल्ला चलिरहेका बेला मनिषाले अत्याधिक रक्सी सेवन गरेको समाचार बाहिर आए पछि उनका बारेमा नकारात्मक टिप्पणी हुन थालेका छन् । श्रीमानसँगको तनावबाट एकछिनका लागि भए पनि छुटकारा पाउन उनले रक्सी सेवा गरेको हुनसक्ने अनुमान लगाईएको छ । तर यसरी आफैलाई सम्हाल्न नसक्ने गरि सार्वजनिक स्थानमा रक्सी पिउनु पक्कै पनि फ्यानला लागि दु:खको कुरा हो ।   मुम्बईको बर्सोवा स्थित खोलिएको रेष्टुरेन्टमा मनिषाले रक्सी पिएर सम्हालिन नसकेका तस्विरहरू अहिले अनलाईनहरूमा छ्याप्छ्याप्ती भएका छन् । उनलाई केहि साथीहरूले गाडीमा राखि घर पुर्‍याएको भारतिय अनलाईनहरूले जनाएका छन् ।